ENG | GEO 23 აგვისტო, 2017
 » ახალი ამბები
 » ჩვენს შესახებ
 » მომსახურება
 » პროექტები
 » პუბლიკაციები
 » კორპორაციული კლიენტები
 » დონორები და პარტნიორები

banner_20_year.gif

pdcint.jpg
 
ადამიანური რესურსების მართვის სასერტიფიკატო კურსი
 
ქართულ-ამერიკული უნივერსიტეტისა და პარტნიორები-საქართველოს
ერთობლივი პროექტი
 
საშუალო და მაღალი რგოლის მენეჯერებს, ადამიანური რესურსების მართვის სპეციალისტებს, სტუდენტებს და სხვა დაინტერესებულ პირებს გეძლევათ უნიკალური შესაძლებლობა სამსახურისგან და სწავლისგან მოუწყვეტლად:
  • გაიღრმავოთ ცოდნა ადამიანური რესურსების მართვის სფეროში
  • შეიძინოთ და გაიუმჯობესოთ პერსონალის ეფექტურად მართვისათვის აუცილებელი უნარ-ჩვევები
  • გაეცნოთ პერსონალის შერჩევის, მოტივირების, შეფასების და მართვის თანამედროვე მეთოდებს და ინსტრუმენტებს
  • გაიზიაროთ კოლეგების გამოცდილება
  • მიიღოთ პასუხები თქვენს შეკითხვებზე დარგის წარმატებული მენეჯერებისგან
  • აიმაღლოთ კვალიფიკაცია პრაქტიკოსებისა და პროფესიონალი ტრენერ-კონსულტანტების დახმარებით
კურსის გავლის შედეგად თქვენ მიიღებთ ლიდერი ტრენინგ-კომპანიისა და წარმატებული ქართულ-ამერიკული უნივერსიტეტის ერთობლივ სერტიფიკატს, რომელიც მნიშვნელოვანი შენაძენი გახდება თქვენი პროფესიული ბიოგრაფიისათვის.
 
კურსი 13 ოქტომბრიდან 12 დეკემბრამდე გაგრძელდება.
 
მეცადინეობა ჩატარდება კვირაში სამჯერ:  სამშაბათს და ხუთშაბათს 18:30-21:30, და შაბათს 12.00 – 15.00
 
თქვენთან ორი თვის განმავლობაში თემების მიხედვით იმუშავებენ პროფესიონალი ტრენერ-კონსულტანტები, ფსიქოლოგები, და ადამიანური რესურსების მართვის მენეჯერები:
  • მართვის უნარები HR მენეჯერისათვის - ვაჟა კვერნაძე, ფსიქოლოგი, ”პარტნიორები-საქართველოს” ტრენერ-კონსულტანტი, საქმიანობის 25-წლიანი გამოცდილება ორგანიზაციული მართვისა და განვითარების სფეროში.
  • საკადრო პოლიტიკა და ადმინისტრაციული პროცედურები - თამილა გველესიანი, პერსონალის მართვის სპეციალისტი, ტელეკომპანია რუსთავი2-ის HR მენეჯერი, სხვადასხვა დროს მუშაობდა ბლოკ-ჯორჯიაში, მთაწმინდის ეროვნული პარკში და პეტროფაკში ადამიანური რესურსების მართვის მენეჯერად.
  • თანამშრომელთა შერჩევალელა გიორგობიანი, ”პარტნიორები-საქართველოს” ტრენერ-კონსულტანტი, ESM-თბილისის ბიჰევიორისტიკის პროგრამის ხელმძღვანელი, მაგისტრის ხარისხი ადამიანური რესურსების მართვაში.
  • პერსონალის მოტივირება - მილენა მითაგვარია, ”პარტნიორები-საქართველოს” დირექტორის მოადგილე, კონსულტირებისა და პროგრამების მართვის 20-წლიანი გამოცდილება.
  • პერსონალის შეფასება - ნესტან ზურაბიშვილი, HR კონსულტანტი, ადამიანური რესურსების მენეჯერად და ტრენერად მუშაობის 14 წლიანი გამოცდილება ფარმაცევტულ, საბანკო და სავაჭრო სფეროებში
  • HR მენეჯერის გავლენა კომპანიის მოგებაზე, ორგანიზაციული კულტურა, პერსონალის დაწინაურება და ტრენინგები - ნინო ბართაია, HR მართვის 8 წლიანი გამოცდილება, „აჭარა ჯგუფის”(ჰოლიდეი ინი თბილისი, რუმსი ყაზბეგი, რუმსი თბილისი) HR მენეჯერი, ტურიზმის განვითარების პროექტების კონსულტანტი
  • მრავალფეროვნების მართვა - თეა გველესიანი, საერთაშორისო ტრენერ-კონსულტანტი. საქმიანობის 15-წლიანი გამოცდილება ეფექტური კომუნიკაციის, ორგანიზაციული განვითარებისა და მრავალფეროვნების მართვის სფეროში.
  • თანამედროვე HR მართვის ძირითადი გამოწვევები - ანდრო დგებუაძე,  ბიზნეს-კონსულტანტი მენეჯმენტის, ფინანსებისა და IT მართვის სფეროში, საქმიანობის 20-წლიანი გამოცდილება.
კურსის პროგრამა მთლიანად დამყარებულია სწავლების ინტერაქციულ მეთოდზე და მოიცავს სწავლების ისეთ ფორმებს, როგორიცაა თეორიული პრეზენტაცია, სავარჯიშო, როლური თამაში, სიმულაცია, სასწავლო ქეისი და დისკუსია.
 
კურსის ღირებულებაა 1100 ლარი. ერთი ორგანიზაციიდან ორი ან მეტი აპლიკანტის შემთხვევაში, აგრეთვე, სტუდენტებისათვის მოქმედებს 10 %-იანი ფასდაკლება.
 
ჯგუფში ადგილები შეზღუდულია.შესაბამისად, უპირატესობა მიენიჭებათ იმ აპლიკანტებს, რომლებიც პირველები შემოიტანენ განაცხადს.
 
რეგისტრაციის ბოლო ვადაა 2015 წლის 5 ოქტომბერი!
 
დამატებითი ინფორმაციისათვის დაუკავშირდით:
 
თიკო ბარბაქაძე
სასერტიფიკატო პროგრამების მენეჯერი
ტელ: 2 20 65 20
ელ-ფოსტა: tikobarbaqadze@gau.ge
რეგისტრაციისათვის გამოაგზავნეთ  სააპლიკაციო ფორმა ან მობრძანდით ქართულ-ამერიკულ უნივერსიტეტში (თბილისი, მერაბ ალექსიძის 8) 
 

hicd_geo_still.gif

hr_cources_banner.jpg