5.08.2010

ტრენინგები სათემო განათლების ცენტრებისათვის პარტნიორები–საქართველო ტრენინგების სერიას კოდის, შაუმიანის, სენაკის და ჯვრის სათემო განათლების ცენტრებისათვის ატარებს. ტრენინგები ივლისის თვეში დაიწყო და სექტემბრამდე გაგრძელდება. ტრენინგების თემატიკაა სამოქალაქო საზოგადოების როლი და ლიდერობა; და საპროექტო წინადადების მომზადება. ტრენინგები ტარდება სახალხო უნივერსიტეტთა გერმანული ასოციაციის საერთაშორისო თანამშრომლობის ინსტიტუტის - DVV International პროექტის ფარგლებში და მისი მიზანია აღნიშნულ სოფლებში ჩასახლებულ იძულებით გადაადგილებული პირებისა და ადგილობრივი თემის წარმომადგენელთა ქმედითუნარიანობის ზრდისთვის ხელშეწყობა.

26.07.2010

პოსტ–ტრავმატული მკურნალობის ტრენინგი სტამბულში 14–23 ივლისს, პარტნიორები–საქართველოს ტრენერ–კონსულტატმა, თეა გველესიანმა მონაწილეობა მიიღო პოსტ–ტრავმატული მკურნალობის ტრენინგში. ტრენინგში მონაწილეობის მისაღებად მიწვეული იყო მსოფლიოს რამდენიმე ქვეყნის წამყვანი ტრენერ–კონსულტანტი და ფსიქოთერაპევტი, მიმდინარეობდა ნატოს პროგრამის "მეცნიერება მშვიდობისათვის და უსაფრთხოებისთვის" მხარდაჭერით. ინტენსიური ტრენინგი მოიცავდა ლექციებს, დემონსტრაციებს და პრაქტიკულ მეცადინეობებს. ტრენინგი გაიმართა თურქეთში, სტამბულის ბახჩისარაის უნივერსიტეტში.

21.07.2010

ტრენინგი UNICEF-ის თანამშრომლებისათვის 19–20 ივლისს, ქობულეთში, პარტნიორები–საქართველომ ჩაატარა 2 დღიანი ტრენინგი UNICEF-ის თანამშრომლებისათვის. ტრენინგი შედგებოდა ორი ნაწილისაგან: გუნდის შეკვრაზე მიმართული ღონისძიებები და ტრენინგი ეფექტური კომუნიკაციის თემაზე.

15.07.2010

ტრენინგები ეროვნული სქრინინგ-ცენტრისათვის 10-11 ივლისს ეროვნული სკრინინგ-ცენტრის თანამშრომლებისთვის პარტნიორები-საქართველოს ტრენერ-კონსულტანტებმა ჩაატარეს ტრენინგი თემაზე "ეფექტური მომსახურება". ტრენინგში მონაწილეობა მიიღო ეროვნული სკრინინგ-ცენტრის 22 თანამშრომელმა. ორდღიანი ტრენინგი მიზნად ისახავდა მომხმარებლის სწორად მომსახურების სტანდარტების სწავლებას. კურსის გავლის შემდეგ პერსონალმა ეფექტურად უნდა შეძლოს რთული, პრობლემური, სამართლიანი თუ უსამართლო პრეტენზიების მქონე მომხმარებლის მომსახურება.

20.06.2010

ტრენინგები კრიტიკულ აზროვნებაში 14–19 ივნისს, პარტნიორები–საქართველომ იუსტიციის სამინისტროს სამართალშემოქმედებითი დეპარტამენტის თანამშრომლებისათვის ტრენინგები ჩაატარა. პროგრამა სპეციალურად შემუშავდა სქართველოს იუსტიციის სამინისტროს დაკვეთით და ტრენინგების ძირითადი თემა იყო კრიტიკული აზროვნება.

27.05.2010

ორენოვანი სკოლების დირექტორების ტრენინგი ეფექტურ მართვაში 24–25 მაისს, სასტუმრო “ბეტსიში" საქართველოს ორენოვანი სკოლების დირექტორები შეიკრიბნენ. ეროვნული ინტეგრაციისა და ტოლერანტობის 4–წლიანი პროგრამის ფარგლებში, მათთვის პარტნიორები–საქართველომ ეფექტური მართვის თემაზე ორდღიანი ტრენინგი ჩაატარა. მართვის ტრენინგს წინ უძღვოდა პროგრამის ტრენინგ-კომპონენტის შემაჯამებელი შეხვედრა, რომელში მონაწილე სკოლის დირექტორებმა ეს საჭიროება თავად განსაზღვრეს. ტრენინგის მიზანი იყო, მართვის უნარ–ჩვევების გავარჯიშება და სკოლის ეფექტური მართვის ძირითადი კონცეფციების თაობაზე ცოდნის გაღრმავება. ტრენინგში, რომელსაც პარტნიორები–საქართველოს 4 ტრენერ–კონსულტანტი უძღვებოდა, 32–მა სკოლის დირექტორმა მიიღო მონაწილეობა. მათ გადაეცათ ტრენინგში მონაწილეობის დამადასტურებელი სერტიფიკატები. სკოლის დირექტორებისათვის ეფექტური მართვის ტრენინგი ეროვნული ინტეგრაციისა და ტოლერანტობის პროგრამის ტრენინგ–კომპონენტის ფარგლებში ჩატარებული ბოლო ღონისძიებაა.

8.05.2010

საზაფხულო ბანაკის ლიდერების მომზადება 1–5 მაისს, „ეპერის“ გრანტის ფარგლებში პარტნორები–საქართველომ ჩაატარა ტრენინგი სომეხი, აზერბაიჯანელი და ქართველი ლიდერებისათვის და პროექტის „საზაფხულო დასვენება სოციალურად დაუცველი ახალგაზრდებისთვის“ კოორდინატორებისათვის. სულ 25 მონაწილე დაესწრო ტრენინგს, რომლის მიზანი იყო მონაწილეებთან ერთად საზაფხულო ბანაკის პროგრამის მიმოხილვა და ცვლილებესბის შეტანა. მონაწილეებმა შეიძინეს საჭირო უნარ–ჩვევები და ცოდნა, რათა შემდგომში ეფექტურად განახორციელონ საზაფხულო ბანაკი.

10.04.2010

ტრენინგების სერია World Vision-ის თანამშრომლებისათვის მიმდინარეობს ტრენინგები ჯანდაცვის მიმართულებისა და თემის განვითარების თანამშრომლებისათვის, რომელსაც პარტნორები–საქართველოს ტრენერები უძღვებიან. 15-20 ადამინისაგან შემდგარი სხვადასხვა ჯგუფი გაეცნობა და შეისწავლის გადაწყვეტილების მიღების, დროის მართვის, საჯარო გამოსვლების, შეხვედრების ფასილიტაციის, ეფექტური მართვის ძირითად საკითხებს. ტრენინგები მარტის თვეში დაიწყო და ივნისამდე გაგრძელდება.

8.04.2010

ეროვნული ინტეგრაციის და ტოლერანტობის პროგრამის ტრენინგ-კომპონენტის შემაჯამებელი შეხვედრა დღეს, 8 აპრილს, სასტუმრო “ბეტსიში" ჩატარდა ეროვნული ინტეგრაციისა და ტოლერანტობის 4 წლიანი პროგრამის ტრენინგ-კომპონენტის შემაჯამებელი შეხვედრა. შეხვედრის მიზანი იყო ეროვნული ინტეგრაციისა და ტოლერანტობის პროგრამის ფარგლებში ტრენინგ-კომპონენტის მიმართულებით განხორციელებული საქმიანობის შეჯამება; მონაწილეთა უკუკავშირის მიღება პროგრამასთან და კერძოდ ტრენინგ-კომპონენტთან დაკავშირებით; და იმ საჭიროებების გამოკვეთა, რომელიც კვლავ არსებობს და მნიშვნელოვანია ეროვნული ინტეგრაციისა და ტოლერანტობის ხელშეწყობისთვის. შეხვედრას უძღვებოდნენ პარტნირები საქართველოს ტრენერები თეა გველესიანი და ნათია გოფოძე.შეხვედრაში მონაწილეობდნენ პროგრამაში ჩართული არასამთავრობო ორგანიზაციების წარმომადგენლები როგორც თბილისიდან (მრავალფეროვნების მართვის ტრენერების ქსელის წევრები), ასევე საქართველოს სხვადასხვა რეგიონიდან, ორენოვანი სკოლის დირექტორები სამცხე-ჯავახეთიდან, გარდაბნის რაიონიდან და თბილისიდან, სამოქალაქო განათლების ცენტრების წარმოამდგენლები სამცხე-ჯავახეთიდან და გარდაბნიდან - სულ 25 ადამიანი. შეხვედრას აგრეთვე ესწრებოდნენ ამერიკის შეერთებული შტატების საერთაშორისო განვითარების სააგენტოდან ქეთი ბაქრაძე, საქართველოს გაეროს ასოციაციიდან რამაზ აფციაური და პარტნიორები–საქართველოდან სოფიკო შუბლაძე.

29.03.2010

ტრენინგები დაცვის პოლიციის თანამშრომლებისათვის პარტნიორები–საქართველოს ტრენერებმა დაასრულეს დაცვის პოლიციის საინფორმაციო სამსახურის თანამშრომლებთან მუშაობა. ტრენინგი 5 დღის განმავლობაში მიმდინარეობდა, რომლის შედეგად მონაწილეები გაეცნენ ეფექტური სატელეფონო მომსახურების საკვანძო საკითხებს, გაივარჯიშეს კლიენტთან ეფექტური ურთიერთობის უნარები და ტრენერ–კონსულტანტებისგან მიიღეს პროფესიული საქმიანობის გაუმჯობესებისათვის საჭირო რეკომენდაციები.

5.03.2010

ტრენინგები დაზარალებულთა დახმარების ცენტრებისათვის პარტნიორები–საქართველო ერთი კვირის მანძილზე ბაკურიანში პროკურატურის ახალგახსნილ დაზარალებულთა დახმარების ცენტრის კონსულტანტებთან ეფექტური კომუნიკაციის საკითხებზე იმუშავებს. ტრენინგები მიზნად ისახავს კონსულტანტების მომზადებას მოქალაქეებთან ეფექტური და საქმიანი ურთიერთობისათვის.

2.03.2010

მიმდინარეობს ტრენინგები ჯიპისის აფთიაქების მენეჯერებისათვის ფარმაცევტულ კომპანია „ჯიპისისთან“ პარტნიორები–საქათველოს ტრენერები პერსონალის მართვის ტრენინგს აფთიაქების მენეჯერებისათვის ატარებენ. მარტის ბოლომდე, სულ 45 მენეჯერი გაივლის ტრენინგს, რომლის მიზანია პერსონალის ეფექტური მართვის, მოტივირების, მონიტორინგის და შეფასების სფეროში ცონდის გაღრმავება და შესაბამისი უნარების გავარჯიშება.

26.02.2010

ტრენინგები ილიას სახელობის სახელმწიფო უნივერსიტეტის ლექტორებისათვის პარტნორები–საქართველომ ილიას სახელობის სახელმწიფო უნივერსიტეტთან დაიწყო თანამშრომლობა და ახალმოწვეულ ლექტორებს ჩაუტარა ტრენინგი თემაზე ინტერაქციული მეთოდების გამოყენებით სწავლების გაუმჯობესება, რომელიც მოიცავს ეფექტურ კომუნიკაციას, პრეზენტაციას, დისკუსიების წარმართვას და ა.შ. ტრენინგების მიზანია სწავლების პროცესში სტუდენტების დაინტერესება და ლექციების გამრავალფეროვნება. კონტრაქტის ფარგლებში სულ 50 ლექტორი გაივლის ტრენინგს.

18.02.2010

ეფექტური მართვის ტრენინგები ზუგდიდისა და ფოთის ადგილობრივი თვითმმართველობის წარმომადგენლებისათვის 5-6 თებერვალს, ასოციაცია "ათინათთან" თანამშრომლობით, ზუგდიდში ჩატარდა ეფექტური მართვის ტრენინგი ფოთისა და ზუგდიდის ადგილობრივი თვითმართველობის 17 წარმომადგენლისათვის, რომელსაც უძღვებოდნენ პარტნიორები–საქართველოს ტრენერ–კონსულტანტები. ტრენინგის მიზანი იყო გუნდური მუშაობის, ეფექტური კომუნიკაციის, გადაწყვეტილებების მიღებისა და ზოგადად, ეფექტური მართვის საკითხების გაცნობა. 26–27 თებერვალს ამავე წარმომადგენლებს ჩაუტარდებათ ტრენინგები თემაზე "მონაწილეობითი დაგეგმვა".

15.02.2010

ადამიანის რესურსების მართვის კურსზე მიღება გამოცხადდა 15 თებერვალს, პარტნიორები–საქართველომ და ბაქსვუდის სკოლამ ადამიანის რესურსების მართვის სასერტიფიკატო კურსზე მიღება გამოაცხადა. კურსი 2010 წლის 15 მარტიდან 21 მაისამდე გაგრძელდება. მსურველებს განაცხადის შემოტანა შეუძლიათ 5 მარტამდე. ეს ადამიანის რესურსების მართვის თემაზე გამოცხადებული მეექვსე მიღებაა. ამჯერად კურსდამთავრებულები პარტნიორები–საქართველოს და ბაქსვუდის საერთაშორისო სკოლის მიერ ერთობლივად გაცემულ სერტიფიკატებს მიიღებენ. დამატებითი ინფორმაციისათვის ეწვიეთ ვებგვერდს: www.bcschool.ge

15.01.2010

ტრენინგები რეესტრის თანამშრომლებისათვის იანვარ–თებერვლის თვეებში პარტნიორები–საქართველო სამოქალაქო რეესტრის თანამშრომლებთან იმუშავებს. ხელშეკრულების თანახმად, პარტნიორები–საქართველოს ტრენერ–კონსულტანტები მოქალაქეთა მომსახურების გაუმჯობესების მიზნით რესტრის 100–მდე თანამშრომლისათვის სერვის პლუსის ტრენინგებს ჩაატარებენ.

1.01.2010

გილოცავთ ახალ 2010 წელს! პარტნიორები-საქართველოს ყველა კლიენტს, პარტნიორს, დონორსა და მეგობარს გილოცავთ ახალ 2010 წელს და წარმატებებს გისურვებთ.

22.12.2009

ინსტიტუციონალური შეფასება და ტექნიკური დახმარება დაავადებათა კონტროლისა და ჯანმრთელობის დაცვის ეროვნული ცენტრისთვის აშშ საერთაშორისო განვითარების სააგენტოს მიერ დაფინანსებული პროგრამის “FORECAST” ფარგლებში, რომელსაც ორგანიზაცია „მსოფლიო სწავლება“ ახორციელებს, ”პარტნიორები–საქართველო” ორ ადგილობრივ ორგანიზაციასთან (გაეროს ასოციაცია და გამოყენებითი კვლევების კომპანია) და ამერიკელ ექსპერტებთან (World Services of La Crosse Inc.) ერთად ახორციელებს დაავადებათა კონტროლისა და საზოგადოებრივი ჯანმრთელობის დაცვის ეროვნული ცენტრის ინსტიტუციონალური შეფასებისა და  ტექნიკური დახმარების პროექტს. პროექტის მიზანია ორგანიზაციის შეფასების საფუძველზე ინსტიტუციონალური განვითარებისთვის  რეკომენდაციების შემუშავება.  პროექტი ორ ფაზად მიმდინარეობს. პირველი ფაზა, რომელიც ორგანიზაციის  კვლევას და შეფასებას ისახავდა მიზნად და  11.09.2009 დან 21.12.2009-მდე მიმდინარეობდა, დასრულდა. მეორე ფაზა განხორციელდება 2010 წლის 18–23 იანვარს და მისი მიზანია ორგანიზაციის ხელმძღვანელობასთან და თანამშრომლებთან ერთად, რეკომენდაციების განხორციელების პროცესის დაგეგმვა, სამუშაო შეხვედრების საშუალებით.

18.12.2009

შეხვედრები სამცხე-ჯავახეთის რეგიონში 16–17 დეკემბერს, პარტნიორები–საქართველოს ტრენერ–კონსულტანტებმა ორგანიზება გაუკეთეს და გაუძღვნენ  ორ შეხვედრას სამცხე–ჯავახეთის რეგიონში. 16 დეკემბერს ახალქალაქში ჩატარდა შეხვედრა, რომლის მთავარი თემა იყო უმაღლესი განათლების ხელმისაწვდომობა ჯავახეთის რეგიონის ეთნიკური უმცირესობის წარმომადგენლებისათვის, ხოლო 17 დეკემბერს ახალციხეში ანალოგიური შეხვედრის მიზანი იყო ადგილობრივი მუნიციპალური ორგანოებისა და სამოქალაქო საზოგადოებას შორის თანამშრომლობის პროცესის ხელშეწყობა. შეხვედრაზე მოწვეულნი იყვნენ ადგილობრივი ხელისუფლების, საზოგადოებრივი ორგანიზაციების და მედიის წარმომადგენლები. შეხვედრების შედეგად მონაწილეებმა შეიმუშავეს სამოქმედო გეგმები, რომელთა მონიტორინგის მიზნით, 2010 წლის გაზაფხულზე დაიგეგმა მრგვალი მაგიდის მოწყობა თბილისში, სადაც მოწვეულები იქნებიან სამცხე–ჯავახეთის რეგიონის წარმომადგენლები, ადგილობრივი და საერთაშორისო პარტნიორი ორგანიზაციები და პროექტის დონორები. პროექტი დაფინანსებულია ევროკავშირის მიერ და ხორციელდება პარტნიორების საერთაშორისო ქსელის მიერ, პარტნიორები–საქართველოსთან თანამშრომლობით.

13.12.2009

მონაწილეობითი სამოქალაქო მონიტორინგის ინსტრუმენტები ადგილობრივი ხელისუფლების წარმომადგენლებისათვის 3-4 და 10-11 დეკემბერს, პარტნიორები-საქართველომ ჩაატარა ტრენინგები თემაზე მონაწილეობითი სამოქალაქო მონიტორინგის ინსტრუმენტი - მოქალაქეთა ანგარიშგების ბარათი. ტრენინგები ჩატარდა აღმოსავლეთ საქართველოს ოთხი რაიონის (ბოლნისი, დმანისი, მარნეული, გარდაბანი) მუნიციპალიტეტის წარმომადგენლებისთვის. ტრენინგის უმთავრეს მიზანს წარმოადგენდა ადგილობრივი თვითმმართველობის ორგანოებისათვის ხელის შეწყობა ახალი ტიპის მიდგომების დანერგვაში მოსახლეობასთან ურთიერთობის თვალსაზრისით. ტრენინგის მონაწილეები საფუძვლიანად გაეცნენ ერთ-ერთ უმნიშვნელოვანეს მონაწილეობით ინსტრუმენტს – მოქალაქეთა ანგარიშგების ბარათს, მის სტრუქტურას, შედგენის წესებს, ანალიზის ერთეულის შერჩევის მნიშვნელობას და შეფასების წესებს. მათ ერთსულოვნად აღნიშნეს მიღებული ცოდნის და გამოცდილების უაღრესად დიდი მნიშვნელობა მათ სამომავლო საქმიანობის პროცესში. ტრენინგები განხორციელდა UNDP-ის ფინანსური მხარდაჭერით.

    pages:   1 | 2 | 3 | 4 | 5 |